見同老豆阿媽飲完茶無咩野做，就走左去搵細佬整頭，又電又整色又焗油．．．足足整左成個下晝！！咁就過左一日勒．

之後朋友ｈ黎搵我，一齊去左荃灣一間算叫係新開既拉麵店，又幾好食喎ｄ麵，唔錯，可以再去．．．

再之後食完野，諗住去行一陣，點知就係呢個時候，居然．．．．．見到你．＠＠，我一望見你，就扮無野低頭側面向住朋友ｈ繼續傾計，我眼尾見到係企左係度，因為條路好窄，所以我一直都係低住頭，一直行行下行經你身邊，都依然扮見唔到，直行直過，之後過左無耐，你就打黎勒．．．當然我又係無聽啦，你留言話係街見到我，又話我同朋友ｈ行街呀？？．．．．．

真係好佩服自己，可以咁鎮定咁當睇你唔到，比著以前，我實ｏｎ居居企左係度，仲要你睇唔到破綻，行經你身邊果陣，我真係驚你會捉住我呀，好彩你無，可能你見到朋友ｈ都係度啦．．．．

好，覺得今日自己好叻．．．抵獎自己整左個靚頭同買左衫既．．．ｈａｈａ～～～～